 |
RODNYJA VOBRAZY
|
|
Vobrazy miłyja rodnaha kraju,
Smutak i radaść maja!..
Jakub Kołas
|
|
|
|
|
|
|
|
|
|
Pamiaci
Siamiona Kirsanava
Paet
Siadzieŭ za stołikam, kuryŭ.
Sivyja vałasy stajałi streškaj.
Kahości byŭ jon pryvitaŭ z uśmieškaj.
Siadzieŭ...
Kuryŭ...
Vitaŭ kahości...
Byŭ...
Płyłi, što poŭni,
Da stałoŭ talerki,
I ciok, jak nad vułkanam,
Dušny dym.
I ludzi adbivałisia ŭ lusterkach –
Adzin...
Druhi...
Adzin pierad adnym...
Paet siadzieŭ za stołikam, kuryŭ.
Pra niešta havaryŭ, da słoŭ pavinny.
A ŭ hety čas błakitnyja delfiny
Płyłi ŭ Basforski miesiačny prałiŭ.
Z-pad płaŭnikoŭ
Da zor laciełi pyrski,
I małakom kipieŭ u chvalach śled.
– Ty razmaŭlać umieješ pa-delfinsku? –
Spytaŭ paet...
Była ŭžo noč.
Pa ścišanaj Maskvie
Płyłi praz doždž delfinami mašyny.
Paet chavaŭ zapałku ŭ rukavie,
Šukaŭ manietu i zvaniŭ žančynie.
Nad telefonnaj budkaj ćviŭ łichtar,
Uzmachvaŭ klon namokłaju čuprynaj.
A ŭ hety čas błakitnyja delfiny
Płyłi užo praź sini Hibrałtar.
I niedzie la Astankinskich stavoŭ
Siarod sadoŭ
užo kanała leta...
Paet zvaniŭ... –
Na šept delfinskich moŭ
Pierakładaŭ žančynie huł płaniety.
|
|
|
|
Padabajecca
Nie padabajecca
|
|
|
2009–2020. Biełaruś, Miensk.
|
|
|
